நெடிய வரலாற்றினையுடைய தமிழிசை ஒரு சில நூற்றாண்டுகள் அருகிக் காணப்பட்ட நிலைகண்ட வள்ளல் ராஜா சர் அண்ணாமலை செட்டியார் தமிழிசை மீண்டும் ஆக்கம் பெறவேண்டும் எனக் கருதி மேற்கொண்ட முயற்சியே தமிழிசைச் சங்கத்திற்கு முதல் அங்கீகாரமெனக் கொள்ளலாம்.

அக்காலத் தமிழறிஞர்கள் - ஆர்வலர்கள், டாக்டர் ஆர்.கே.சண்முகம் செட்டியார், டி.கே.சி., கல்கி, சக்கரவர்த்தி ராஜகோபாலாச்சாரி, பேரறிஞர் சி.என்.அண்ணாதுரை போன்ற பெருமக்களின் ஆர்வமும் ஆக்கமும் இச்சங்கத்தின் உயர்ந்த குறிக்கோளுக்கு உறுதுணையாக அமைந்தன.

தமிழக அரசின் சார்பில் நடைபெற்றுவரும் சென்னை இயல், இசை, நாடக மன்றமும், புதுடெல்லி சங்கீத் நாடக அகாடமி மற்றும் பண்பாட்டுத் துறை அமைச்சகமும் ஆற்றிவரும் உதவியும் சங்கத்தின் அங்கீகாரத்திற்குச் சான்றாவன.

தமிழக அமைச்சர்கள் பலருடைய பங்கேற்பு மட்டுமன்றி பாரதக் குடியரசின் முதல் தலைவர் பாபு ராஜெந்திர பிரசாத், இரண்டாவது தலைவர் எஸ்.ராதாகிருஷ்ணன் மற்றும் டாக்டர் ஜாகீர் உசேன் டக்டர் ஏ.பி.ஜே அப்துல்கலாம் போன்றவர்கள் வருகை தந்துள்ளனர்.

வருடந்தோரும் நிகழும் இசை விழாக்களுக்கும், சங்க முக்கிய நிகழ்வுகளுக்கும் வருகைத் தந்த சிறப்பு விருந்தினர்கள்